Көмүрдүн орточо баасы бир ай мурдагыга караганда 10,4% кымбаттады. Бул тууралуу Улуттук статистика комитети билдирди.
Маалыматка ылайык, учурда бир тонна көмүрдүн орточо баасы 5 720 сом турат.
Эң кымбат көмүр:
- Ноокатта — 9 874 сом,
- Баткенде — 9 718 сом,
- Исфана шаарында 1 тонна көмүр 8746 сом болууда.
- Жумгал районунун Чаек айылында бир тонна көмүр 3000 сом,
- Балыкчы шаарында 4 миң,
- Нарын жана Кара-Балта шаарларында 4,5 миң сомдон сатылууда.
Эскерте кетсек, 4-октябрга карата 1 тонна көмүрдүн орточо баасы 5 181 сом болуп, былтыркы жылга салыштырмалуу орто эсеп менен 18,8% кымбаттаган. Өкмөт көмүрдүн баасын туруктуу кармоо боюнча чараларды көрөрүн эскерткен.
