Бишкекте аялын унаа токтотуучу жайда сабаган адам кармалды. Бул тууралуу Свердлов районунун ички иштер башкармалыгынан билдиришти.
Маалыматка ылайык, жабырлануучу өзү милицияга кайрылган. Кылмышка шектүү 28 жашта. Ал убактылуу кармоочу жайга киргизилген. Учурда тергөө иштери уланууда.
Эске салсак, буга чейин борбор калаада күйөөсү аялын унаа токтотуучу жайда сабап салганы маалымдалган. Видео социалдык тармактарга тараган. Кадрда эркек аялды кантип бетке башы менен урганы көрүнүп турат. Ал качып кетүүгө аракет кылганда артынан чуркап келип, муштуму менен башына урууну уланткан.
