2021-жылдын 18-ноябрына карата көмүрдүн баалары үстүбүздөгү жылдын октябрына салыштырмалу орточо эсеп менен алганда 10,1 пайызга жогорулап, бир тонна 5 706,0 сомду түздү. Бул тууралуу Улуттук статистика комитети билдирди.
Маалыматка ылайык, көмүргө эң жогорку баа Ноокат (бир тонна үчүн – 10 039,9 сом), Баткен (бир тонна үчүн – 9 718,8 сом) жана Исфана (бир тонна үчүн – 9 091,2 сом) шаарларында катталды.
Минималдуу чекене баалар Чаек айылында (бир тонна үчүн — 2 500 сом), Балыкчы шаарында (бир тонна үчүн – 4 049,7 сом), Нарын жана Кара-Балта шаарларында (бир тонна үчүн – 4 500 сом) болгону байкалды.
Көмүргө карата баалар үстүбүздөгү жылдын октябрь айына салыштырмалуу Жалал-Абад — тоннасы 1 196,2 сомго же 20,4 пайызга, Талас – тоннасы 1 290,0 сомго же 22,7 пайызга, Кербен– тоннасы 1 138,0 сомго же 19,0 пайызга жана Токтогул– тоннасы 1 085,4 сомго же 17,9 пайызга бир кыйла өсүшү белгиленди.
Ошол эле учурда, айдын башына салыштырмалуу Чаек айылында (бир тонна үчүн – 500 сом), Кербен (бир тонна үчүн – 268 сом), Бишкек (бир тонна үчүн – 174 сом) жана Каракол (бир тонна үчүн – 140 сом) шаарларында баанын төмөндөшүн байкоого болот.
