Валентина Шевченко өлкө башчы Садыр Жапаровго жолугушууда берген белектери үчүн ыраазычылыгын билдирди. Бул тууралуу ал социалдык тармактагы баракчасына жазып чыкты.
«Урматтуу Садыр Нургожоевич, сонун белектериңиз үчүн рахмат. Шырдак бул улуттук колго жасалган килем, бул жөн эле кыял. Жаа биздин усталарыбыздын кооз жана керкөм эмгеги. Аларга чоң таазим», — деп билдирди.
Белгилей кетсек, Валентина Шевченко Садыр Жапаров менен 22-ноябрда жолугуп, өлкө башчы мушкер айымга 1 миллион сомдун сертификатын, апасы Елена Шевченкого шырдак, машыктыруучусуна жаа белекке берген.
