«Ишеним» партиясы шайлоонун жыйынтыгы боюнча пикирин билдирди. Бул тууралуу ишеним саясий партиясы социалдык тармактарга жазып чыкты.
«28-ноябрда ЖКга депутаттарды шайлоо ийгиликтүү,таза өттү. Админресурс дээрлик колдонулган жок. Ооба, мүчүлүштүктөр болду, себеби бул шайлоо системасы эл үчүн дагы, талапкерлер үчүн дагы жаңылык. Эң негизгиси атаандаштык таза жүрдү. Шайлоо күнүнө чейин жана шайлоо учурунда катталган айрым туура эмес аракеттерге бийлик алдын алып, бөгөт койду. Чет элден келген көзкарандысыз байкоочулар дагы, айрым талапкерлер дагы дал ушул бааны беришүүдө. Өлкө башчы таза шайлоону камсыздап берди, ат салышууда ким жеңип, кимдин жеңилээри элдин тандоосуна коюлду»,- деди «Ишеним» партиясы.
Белгилей кетсек, учурда шайлоонун жыйынтыгы чыга элек, кол менен саноо уланууда.
