«Манас» жана Чыңгыз Айтматов Улуттук академиясынын президенти болуп Талантаалы Бакчиев дайындалды.
Маалыматка ылайык, жаңы дайындалган жетекчини академиянын жалпы жамаатына министрлер кабинетинин төрагасынын орун басары Эдил Байсалов тааныштырды.
Талантаалы Бакчиев — манасчы, «Манас» эпосун изилдөөчү, филология илимдеринин доктору.
Белгилей кетсек, «Манас» жана Айтматов академиясын буга чейин Топчубек Тургуналиев жетектеп келген. «Манас» жана Чыңгыз Айтматов Улуттук академиясы 2019-жылы түзүлгөн.
