Кызыл-Кыяда уурулукка шектелип эки жигит кармалды. Бул тууралуу Баткен ОИИБнын басма сөз кызматы билдирди.
Маалыматка ылайык, ноябрда белгисиз адамдар Кызыл-Кыяда жайгашкан 67 жаштагы Х.М. аттуу жарандын үйүнүн эшигин бузуп киришкен. Анын 50 миң сомун, өзбек валютасындагы 500 миң сум акчасын, ичинде 40 миң сом болгон пенсиондук банктык картасын жана алтын буюмдарын уурдап кетишкен.
Кызыл-Кыя ШИИБне каттоого алынып, Жазык кодексинин 205-беренеси («Уурулук») менен катталып, сотко чейинки өндүрүш иши башталган.
Ыкчам кызматкерлеринин иликтөө иштеринин натыйжасында Кызыл-Кыя шаарынын 19 жаштагы А.С. жана мурда сот жообуна тартылган 20 жаштагы М.М. аттуу тургундары кармалышкан.
Шектүүлөр убактылуу кармоо жайына киргизилди.
