Жалал-Абаддын үч аймагына кар көчкү түшүп, жол тейлөө ишканасынын техникалары тартылып, жолду тазалоо иштери жүргүзүлдү. Бул тууралуу ӨКМнын басма сөз кызматы билдирди.
Билдирүүгө ылайык, 6-мартта Красная-Горка-Ак-Таш автоунаа жолунун 1-4-чакырымында болжол менен 3100 куб метр, ал эми Ала-Бука-Жаңы-Базар-Кировка автоунаа жолунун 99-101-чакырымында болжол менен 558 куб метр, Торкен-Толук автоунаа жолунда болжол менен 840 куб метр кар көчкү түшкөн.
Аба ырайынын кескин түрдө өзгөргөндүгүнө байланыштуу ӨКМ узак жолго чыккан айдоочуларга унаалар ортосунда 500 метр аралыкты сактоону эскертет.
