Ошто экстремисттик террористик мүнөздөгү видео материалдарды жайылтууга шектүү жаран кармалды. Бул тууралуу Ош шаардык ИИБнын басма сөз кызматы билдирди.
Билдирүүгө ылайык, 27 жаштагы жаран өзүнүн атынан ютуб каналы аркылуу экстремисттик, терористтик мазмундагы видеоматериалдарды жүктөп турган.
Жүргүзүлгөн ыкчам иш чаралардын натыйжасында Ош облусунун 1995-жылы туулган Р.Ж. аттуу жаран кармалган.
Алгачкы иликтөө иштеринин жүрүшүндө шектүүнүн бир тууган агасы 1992-жылы туулган Р.М жана жеңеси Сирия мамлекетинде жүргөндүгү дагы белгилүү болгон.
Бул факты Кылмыштардын бирдиктүү реестрине 332-берене менен катталып, тийиштүү экспертизалар дайындалган.
Учурда тергөө иштери улантылууда.
