Кыргызстанда медициналык факультетте окугандардын 77 пайызын чет элдиктер түзөт. Бул туралуу Билим берүү жана илим министрлигинен билдиришти.
Маалыматка караганда, 2021-2022-окуу жылында медициналык адистиктер боюнча жалпысынан 39 миң 851 студент билим алса, анын ичинен 2 миң 708 гранттык негизде, 37 миң 143 контракттык негизде окуйт. Ал эми медициналык студенттердин жалпы санынын 77 пайызын чет элдиктер түзөт.
Анын ичинен:
— Индиянын жарандары – 14456;
— Казакстандын жарандары – 571;
— Пакистандын жарандары – 9725;
— Россиянын жарандары – 668;
— Тажикстандын жарандары – 357;
— Өзбекстандын жарандары – 5174;
— башка жакынкы чет өлкөлөрдүн жарандары – 363;
— башка алыскы чет өлкөлөрдүн жарандары – 472.
Алдын ала маалыматтар боюнча, 2022-жылы медициналык ЖОЖдорду 4386 адис бүтүрөт, анын ичинен 351и бюджеттик негизде окугандар, 4035и контракттык негизде окугандар.
