Актөбө шаарынын тургуну 13 жаштагы кызына сексуалдык аракет кылган деп табылды. Бул тууралуу Актөбөдөгү Алматы районунун прокурору Жасулан Даулембаев билдиргенин Спутник Казакстан жазып чыкты.
Анын айтымында, соттолуучу мурда жаза мөөнөтүн түзөтүү колониясында өтөгөн. Түрмөдөн чыккандан кийин үйдө эч ким жоктугунан пайдаланып кызына сексуалдык аракет жасаган.
«Бул окуя боюнча Актөбө шаарынын Алматы райондук прокуратурасынын тергөөчүсү протокол түздү. Кылмыш ишинин тергөө жыйынтыгы боюнча айыптоо корутундусу түзүлүп, Актөбө шаарынын тургунуна козголгон кылмыш иши сотко жөнөтүлдү», — деген Даулембаев.
«Сот мамлекеттик айыптоочунун пикирине макул болуп, жаранды 12 жылга эркинен ажыратты. Ал абакта жазасын өтөп жатат»,- деп берилет маалыматта.
