Жети-Өгүз районунда калкты тейлөө борбору ачылды. Бул тууралуу Санариптик өнүктүрүү министрлигинен билдиришти.
Жети-Өгүз районунун тейлөө борбору 2017-жылдан бери иштейт, бирок имараттын аянты 67 чарчы метр. Мындан тышкары ЗАГС жана паспорттоштуруу эки башка имаратта, ал эми касса үчүнчүдө болуп, жарандарга бир топ ыңгайсыздыктарды жараткан. Ошондуктан борборду заманбап форматка реформалоо боюнча иш планын ишке ашырган. Бүгүнкү күндө калкты тейлөө борборунун аянты 214 чарчы метрди түзөт.
«Жаңы калкты тейлөө борбору бардык мамлекеттик кызматтарды көрсөтөт – ЗАГС, калкты паспорттоштуруу жана каттоо, ошондой эле жашаган жери боюнча каттоо, Кыргыз Республикасынын жарандыгын жөнөкөйлөштүрүлгөн тартипте кабыл алуу, Кыргыз Республикасынын жарандыгын алуу булут электрондук санариптик кол коюу жана башка көптөгөн кызматтар. Ошондой эле Борбордо маалымдама-маалымат, касса, нотариус, фотостудия, эне жана бала бөлмөсү, тейлөө зонасы жана ыңгайлуу күтүү жайы бар. КТБ бардык заманбап талаптарга жооп берет жана заманбап жабдуулар жана автоматташтырылган маалымат системалары менен жабдылган. Жаңы имаратта электрондук кезек жана видеокөзөмөл камералары орнотулган. Мүмкүнчүлүгү чектелгендер үчүн да шарттар түзүлгөн», — дейт министр Талантбек Иманов.
Жети-Өгүз районунда 13 гана айыл өкмөтү бар жана 87 миң адам жашайт жана Ысык-Көл облусунун эң жыш жайгашкан аймактарынын бири болуп эсептелет. Калкты тейлөө борбору күнүнө орто эсеп менен 200гө чейин адамды тейлей алат.
