Эртең 26-мартта өлкөнүн кээ бир райондорунда жамгыр, тоолуу аймактарында кар жаайт. Бул тууралуу Кыргызгидромет борбору кабарлады.
Маалыматка ылайык, Бишкек шаарында түнкүсүн мезгил-мезгили менен кар жаайт, күндүз жаан-чачын болбойт. Түнкүсүн 0…-2, күндүз 11…13° болот.
Абанын температурасы, Нарын, Ысык-Көл облустарында түнкүсүн -4…+1, күндүз 7…12, Талас жергесинде түнкүсүн -1…+4, күндүз 14…19, Ош, Жалал-Абад, Баткен дубандарында түнкүсүн 2…7, күндүз 16…21, Чүй өрөөнүндө түнкүсүн 0…5, күндүз 15…20° болот.
Эскерте кетсек, тоолуу аймактардагы унаа жолдорунда кар көчкү түшүү коркунучу бар.
