Буга чейин Орус ЖМКлары саясатчы Владимир Жириновскийдин каза болгонун сенатор Александр Пронюшкинге таянып, жазып чыгышкан. Кийинчерээк каза болгону тууралуу маалыматты четке кагышты.
«ТАСС» Мамлекеттик Думанын спикери Вячеслав Володинге шилтеме жасап, Жириновскийдин өлүмүн четке какты. Кийинчерээк РИА Новости жазгандай, губернатор Дегтярев да өзүнүн телеграм-каналында Жириновскийдин тирүү экенин тастыктаган. Ал эми Орусиянын Саламаттыкты сактоо министрлигинен анын абалы туруктуу экенин, дарыгерлер колдон келген жардамын көрсөтүп жатышканын билдиришкен.
