Токмок шаарында уурулукка шектүү жаран кармалды. Бул тууралуу Чүй ОИИБнын басма сөз кызматы билдирет.
Билдирүүгө ылайык, үстүбүздөгү жылдын март айынын башында Токмок шаардык милициясына 38 жаштагы М.Н. аттуу жаран арыз менен кайрылган. Анда 3-5-мартта үйүнүн аймагынан эки жолу көпүрөнүн темир бөлүктөрүн, ошондой эле короодогу темир буюмдар уурдалганын билдирген.
Аталган факты Кылмыш-жаза кодексинин 205-беренеси (“Уурдоо”) менен катталып, сотко чейинки териштирүүлөр башталган.
Жүргүзүлгөн ыкчам иликтөө иштеринин алкагында 40 жаштагы Д.Д. аттуу жаран кармалган.
Учурда шектүүнүн ушул сыяктуу башка кылмыштарга катыштыгы бар-жоктугу аныкталып, тергөө иштери уланууда.
