Бишкек жана Ош шаардык кеңештин депутаттары бараткан кичи автобуска бак кулады. Маалыматты 7-каналга Бишкек шаардык кеңешинин басма сөз катчысы Мээрим Керимканова тастыктады.
Маалыматка караганда, кырсык ГЭС-5 аймагында болгон. Унаанын ичиндеги жарандар жабыркаган эмес. «Кулаган бак унаанын эшигин жаап калгандыктан сыртка чыга албай отурдук»,- деп билдирди Мээрим Керимканова.
Маалыматка ылайык, депутаттар Ысык-Көлдө үй-бүлөлүк зомбулуктан коргоо жаатындагы жергиликтүү өз алдынча башкаруу органдарынын ролу боюнча үч күндүк семинардан келе жатышкан.
