Нарын облусунун аймагында ушул жылдын 3 айында оң рулдуу автоунаалардын катышуусунда 23 жол кырсыгы катталса анын ичинен 10 жол кырсыгы ар кандай жаракат менен коштолуп, 21 жаран ар түрдүү жаракат алышкан. Бул тууралуу Нарын ОИИБнин басма сөз кызматы билдирди.
Маалыматка ылайык, материалдык чыгым алып келген жол унаа кырсыктары оң рулдуу автоунаалардын катышуусунда 13 факт катталган.
«Оң рулдуу автоунааларды башкарууда карама-каршы тилкеде келе жаткан автоунааларга ар түрдүү ыңгайсыз абалдарды жаратуу менен ар кандай кокустуктар жаралып анын кесепетинен жол кырсыктары да келип чыгууда.
Азыркы учурда көпчүлүк айдоочулардын автоунаалары он рулдуу жана Нарындан Бишкек шаарына эл ташыган минивен автоунааларды көрүүгө болот», -деп берилет билдрүүдө.
Эске салсак, 2021-жыл ичинде облус аймагында оң рулдуу автоунаалардын катышуусунда жалпы 42 жол унаа кырсыктары катталып, анын кесепетинен 11 адам каза болуп, 96 жаран ар кандай жаракаттарды алышкан.
