Эки колу жок, бир буту экинчисинен жыйырма сантиметрге кыска болуп төрөлгөн Вера Фещук учурда буттары менен макияж жасайт.

Вера Фещук Украинанын Тернопольщин айылында төрөлгөн. Дарыгерлер ата-энесине кыздан баш тартып, таштап кетүүнү сунуштап, баланын беш жыл дагы жашашына эч кандай ишенүү болгон эместигин айтышкан.

Анткени, Вера колдору жок, бир буту экинчисинен жыйырма сантиметрге кыска болуп жарык дүйнөгө келген. Үч жашка чейин сүйлөй да алган эмес. Бирок ата-энеси жана бир туугандары аны жакшы көрүп багышкан.

Жети жашында башка балдардай эле билим алып баштаган. Тагыраак айтканда, мугалимдер үйүнө келип окутушкан. Буттарынын жардамы менен жазганды үйрөнүп, мугалимдер анын жакшы окуганын ар дайым белгилеп келишкен.

Азыркы убакта бардык иштерди буту менен жасай алат. Шыпырып, тамак жасап сырткы жумуштарды дагы кылат. Эң кызыгы, ал буттары менен макияж жасоону үйрөнүп алган, анын бул тармакта диплому дагы бар. Анын сүйүктүү хоббиси кол-өнөрчүлүк болгондуктан тиккенди жакшы көрөт.

Вера 2011-жылы ага беш жыл бою кам көргөн жигитке турмушка чыгып, Эвелина аттуу кызы жана Арсений аттуу уулу бар. Тилекке каршы, жолдошу көп иче баштагандыктан үй-бүлөдө чыр-чатактар чыгып ажырышып кеткен.

Азыркы убакта ал кыздарды колу жок болгондуктан буту менен боёнтуп акча табат.