Баткенде 34 жаштагы Сапаралиев Данияр изделүүдө. Баткен ОИИБнын басма сѳз кызматы билдирди.
Баткен районунун Чек айылынын тургуну 1988-жылы туулган Сапаралиев Данияр Абдиманнапович ушул жылдын 27-апрель күнү болжол менен саат 23:30 чамасында өзү жашаган үйүнөн, өзүнө таандык болгон «Тико» үлгүсүндөгү автоунаасы менен чыгып кеткен бойдон дайынсыз.
Бул факты боюнча Баткен РИИБдин маалыматтардын электрондук журналына катталып, милиция кызматкерлери издөө иштерин жүргүзүүдө.
Белгилери: бою 160-165см, кашы көзү кара түстө, дене түзүлүшү орто, акыл-эси соо.
Кийген кийимдери: асты-үстүндө кара түстөгү спорттук кийим, бутунда кара түстөгү бут кийим.
«Эгерде кимдир бирөө сүрөттөгү кишини таанып, жүргөн жерин аныктап калса төмөнкү телефондорго кайрылсаңыздар болот.
Байланыш үчүн номерлер (03622) 5-17-56; 0774 -77-86-88, 0709-73-66-37»- деп берилет билдирүүдө.
