Кыргыз-тажик чек арасындагы жаңжалды токтотуу жөнүндө протоколго кол коюлду. Бул тууралуу УКМКнын төрагасы Камчыбек Ташиев билдирди.
«Протоколдун негизги мааниси кыргыз-тажик чек арасында болуп жаткан жаңжалды токтотуу, мындан ары анын кесепеттерин жоюу жана кезектеги чырга жол бербөө болуп саналат. Кол коюлган протоколдун негизинде жергиликтүү бийлик органдары, күч түзүмдөрүнө бир нече тапшырмалар берилди, анын аткарылышын өзүбүз көзөмөлдөйбүз», — деди ал.
Белгилей кетсек, бүгүн 25-сентябрда тараптардын жолугушуусу «Кызыл-Бел» көзөмөл өткөрмө жайында өткөн.
