Социалдык тармактарда класска күчүк алып келген окуучуну урушкан мугалимдин коомчулуктан кечирим сураган видеосу тарады.
Мугалимдин айтымында, ал эмоцияга алдырып, баланы тартипке чакыруу максатында урушкан.
«Баланы тартипке чакыруу максатында жакшы эле ойдо урушкам. Эмоцияга алдырганым үчүн коомчулуктан кечирим сурайм», — деди ал.
Эскерте кетсек, 15-февралда социалдык тармактарда мектепке баштыкка күчүк салып барган окуучунун видеосу менен тарап кеткен. Анда 4-класстын окуучусу класска күчүк алып келгени үчүн аны класс жетекчиси катуу тилдеген. Колдонуучулар арасында сынга кабылып, алар мугалимдин педагогикалык жүрүм-турумун сынга алышкан. Окуя массалык маалымат каражаттарында кеңири тараган. Андан соң Билим берүү жана илим министрлиги окуя боюнча мектеп директоруна жана соцпедагогго эскертүү, видеотасмага жана окуучуга орой мамиле жасагандыгы үчүн мугалимге катуу сөгүш берилгенин жана түшүндүрүү иштери жүргүзүлүп жаткандыгын билдирген.
