Политолог Денис Бердаков мурдагы президенттердин мындай жолугушуусун уникалдуу деп эсептейт.
Учурдагы президент Садыр Жапаров өлкөнүн мурдагы бардык президенттерин бир дасторконго чогулта алгандыгы бир гана өзүбүздүн өлкөбүздү эмес, дүйнө жүзүн да таң калтырды.
«Кыргызстанда өлкө башчылары, саясатчылар, эксперттер бир нече жолу алмашкан. Бул окуялардан кийин мындай биригүү мүмкүн эмес деп ойлогон чет элдиктер.», — деди Бердаков.
Анын оюнча, президенттердин көбү бийликтен өтө оор кетип, элдин эсинде такыр башкача калгандыгына карабастан, кечээки биригүү Кыргызстан үчүн күчтүү, символикалык жана позитивдүү импульс алып келет.
