Шектүү менен жабырлануучу мас абалында болушкан. Бул тууралуу АКИpress’тин түз эфиринде Бишкек ШИИБдин башчысы Азамат Ногойбаев 5-кичи райондогу үч адамдын өтүрүлүшү боюнча комментарий берип жатып билдирди.
«Шектүү менен жабырлануучу мас абалында болушкан. Окуя жеринде кароо жүргүзүү учурунда столдун үстүндө спирт ичимдиктери болгону аныкталган. Аны соттук-медициналык экспертиза тастыктап жатат. Экөөнүн ортосунда кайым-айтыш болуп, ал ушундай кайгылуу окуяга – адам өлүмүнө алып келген, – деди ал.
Эскерте кетсек, 16-февралда 5-кичи районунда 3 адамдын киши колдуу болгону маалым болгон. Батирден апасы, кызы жана уулунун жансыз денеси табылган. Шектүү кармалып, кийинчерээк анын УКМКнын мурдагы кызматкери экени белгилүү болгон.
