Бүгүн, 23-ноябрда УКМКнын төрагасы, Камчыбек Ташиев жалпыга маалымдоо каражаттарына видео кайрылуу жасаган Савай айыл өкмөтүнүн башчысы Мунарбек Сайпидиновду кабыл алды.Бул тууралуу аталган мекеменин басма сөз кызматы билдирди.
«Сүйлөшүүнүн жүрүшүндө Ташиев Сайпидиновдун арызын угуп чыгып, тиешелүү бөлүмдөргө видео кайрылуудагы баардык маалыматтар объективдүү жана ар тараптуу изилдеп чыгуу тапшырмасын койду.Өз кезегинде Камчыбек Ташиев УКМК саясаттан тышкары деп баса белгилеп, саясий жана башка мотивдер боюнча куугунтуктоо менен алектенбегендигин билдирди,«-деп жазылат маалыматта.
