Милициянын кайгуул кызматына 24-ноябрда болжол менен саат 18:23 чамасында Рыскулов жана Бейшеналиева көчөлөрүнүн кесилишинен уюлдук телефон уурдалганы тууралуу маалымат түшкөн. Кайгуулчуларга 1987-жылы туулган П.А. аттуу аял арыз менен кайрылып, саат 18:10 чамасында белгисиз жаран аны уруп, 11 500 сомдук чөнтөк телефонун тартып алып, белгисиз тарапка качып кеткенин билдирген.
Ыкчам издөө иш-чараларынын жүрүшүндө бул ишке шектелген адам Чүй жана Бейшеналиева көчөлөрүнүн кесилишинде качып бара жатканда кармалды. Шектүү 1969-жылы туулган М.Т. экени такталып, Ленин РИИБдин Тергөө кызматына өткөрүп беришкен.
Учурда тоноо беренеси менен тергөө иштери уланып жатат.
