UFC уюмунун жеңил салмактагы чемпиону, кыргызстандык мушкер Валентина Шевченко Айсулуу Тыныбекованы Азия чемпиондугундагы жеңиши менен куттуктап, сүрөт менен бөлүштү.
Белгилей кетсек, Айсулуу Тыныбекова 62 кг ченде монголиялык Орхон Пуревдоржду 9:5 эсебинде жеңип, алтын медаль тагынды. 2018-жылы Айсулуу Тыныбекова дал ушул спортчуга Азия оюндарынын финалында утулуп калган.
Учурда кыз-келиндер Кыргызстан курамасында үч медаль бар. Айсулуу Тыныбекова алтын, Айпери Медет кызы күмүш, Калмира Билимбекова коло медалдын ээси болду.
