Салык кызматынын 10 инспектору коррупция боюнча кармалганын УКМКдан билдиришти.
Финансы министрлигине караштуу Мамлекеттик салык кызматынын кызматкерлеринин тобу, жеке кызыкчылыгын көздөп чарба жүргүзүүчү субъекттердин өкүлдөрү менен жең учунан сүйлөшүп алып, салыктын суммасын атайылап азайткандыгы, 100 млн сомдон ашык салык төлөөчүлөрдү текшерүүнүн жыйынтыгы боюнча төлөнүүгө тийиш болгондугу УКМКнын назарына түшкөн.
Бул факты боюнча кылмыш иши козголуп, салык кызматынын 10 инспектору камакка алынган. Аларга сот тарабынан камакка алуу түрүндөгү баш коргоо чарасы тандалган.
Учурда тергөө иштери жүргүзүлүүдө.
