Бишкектеги Ички иштер министрлигинин аскер бөлүгүндө жоокер асынып алды. Бул тууралуу жергиликтүү маалымат булактары жазып чыгышты.
Маалыматка ылайык, окуя бүгүн таңкы саат бештер чамасында болгон.
«Жоокер ушул жылдын октябрь айында Свердлов райондук аскер комиссариаты тарабынан чакырылган. Маркум 22 жашта болгон жана ал жогорку билимдин ээси. Учурда Бишкек гарнизонунун Аскер прокуратурасы жеринде иш алып барууда. Факт Кылмыштардын жана жоруктардын бирдиктүү реестрине катталган. Алдын ала маалыматтар боюнча, маркум эч кандай жаракат алган эмес», — деп берилет маалыматта.
