ӨКМден билдиришкендей, 28-апрелден 29-апрелге чейин күтүлүп жаткан жаан-чачынга жана абанын температурасынын жогорулашына байланыштуу Кыргызстандын тоолуу райондорунда, ошондой эле унаа жолдордо кар көчкүсү түшүүсү күтүлөт.
Жолдордун кооптуу тилкелеринин тизмеси:
- Бишкек-Ош унаа жолунун 121-138-чакырымдарында (Төө-Ашуу ашуусу), 207-246 чакырымдарында (Ала-Бел ашуусу, Чычкан капчыгайы);
- Каракол-Эңилчек унаа жолунун 45-50, 70-86-чакырымдарында (Чоң-Ашуу ашуусу);
- Барскоон-Ак-Шыйрак унаа жолунун 52-68-чакырымдарында (Сөөк ашуусу).
Унаалардын ортосундагы 500 метр аралык кыймыл чектелиши зарыл.
