АКШнын Иллинойс штатында катуу бороон болуп, 100гө жакын автоунаа кагышып, кеминде 6 киши каза болду. Бул тууралуу “Новые известия” басмылмасы жазып чыкты.
Маалыматка ылайык, жол кырсыгына кабылган унаалардын 60ы жеңил унаа болсо, 30у жүк ташуучу унаа. Кырсыктын кесепетинен 30дан ашуун адам жаракат алып, кеминде алтысы каза болгон.
Милиция кырсыкка жолдун эки тарабындагы айыл чарба талааларынан чаңды учурган катуу шамал себеп болгонун айткан.Чаң аралаш бороондун кесепетинен жолду көрүү мүмкүн болгон эмес.
