Бүгүн президенттин Жалал-Абад облусундагы ыйгарым укуктуу өкүлү Абсаттар Сыргабаев Сузак районундагы Кызыл-Туу жана Сузак айыл аймактарына барды. Анда мамлекеттин «Социалдык келишим» долбоорунун алкагында 100 миң сомдон каражат алып, ишкердик баштаган үй-бүлөлөрдөн кабар алды.
Аталган үй-бүлөлөр берилген каражатты мал чарбачылыгы, дайканчылык, тигүүчүлүк жана соода-сатык жүргүзүү максатында пайдаланышкан. Облус башчысы бизнес ачуу үчүн берилген ар бир жөлөкпулдун даректүүлүгү көзөмөлгө алынаарын айтып, аны натыйжалуу пайдалануу жана үй-бүлөнүн киреше бөлүгүн арттырууга чакырды.
Белгилей кетсек, президент Садыр Жапаровдун демилгеси менен өлкөдөгү аз камсыз болгон үй-бүлөлөргө колдоо көрсөтүү максатында 100 миң сомдон бир жолку кайтарымсыз каражаттар берилди.
Долбоорду ишке ашыруу алкагында 2023-жылы Сузак районундагы 805 үй-бүлөнү жакырчылыктан чыгаруу аракеттери көрүлүүдө.
