Лондондун мэри Садик Хан жаңы коронавирустук инфекциянын жайылышынан жана ооруканаларда COVID-19 менен ооругандардын санынын көбөйүшүнөн улам шаар өзгөчө кырдаалга туш болгонун айтты. Бул тууралуу чет элдик маалымат булактары жазып чыгышууда.
Маалыматка ылайык, январь айынын башына карата Лондондо COVID-19 оорусунун көрсөткүчү 100 миң тургунга 1000ден ашкан.
Садик Хан Улуу Британиянын премьер-министри Борис Джонсондон Лондон шаардык мэриясына кеңейтилген ыйгарым укуктарды, анын ичинде диний чогулуштарга тыюу салуу жана эл көп чогулган ачык жерлерде маска кийүүгө милдеттендирүүнү суранды.
Мэр Лондон шаарынын тургундарын үйдө отурууга үндөдү.
«Эгерде биз тезинен чара көрбөсөк, анда биздин саламаттыкты сактоо тутумубуз мындай жүктү көтөрө албай калат жана дагы көп адамдар өлөт», — деди ал.
