Президенттикке талапкер Бабыржан Төлбаев шайлоочуларына ыраазычылык билдирип, Садыр Жапаровду жеңиши менен куттуктады. Ал видео кайрылууну Instagram баракчасына жарыялаган.
«Мен алдыңкы үчтүккө кирээримди билгем. Албетте, жок дегенде экинчи орунду ээлейм деген амбициям бар болчу. Демек, ушундай болушу керек болду, мен өзүмдүн командама ыраазымын. Президенттик жарышка катышкан бардык талапкерлерге ыраазычылык билдирем. Көңүлдүү болду. Алар менен таанышканыма жана дебатта чогуу болгонубузга кубанычтамын. Садыр Жапаровду жеңиши менен куттуктайм. Айрымдар үчүн бул жеңиш күтүү менен келди, мен ага ийгилик каалайм», — деди Бабыржан Төлбаев.
Ошондой эле ал Садыр Жапаровго айланасын кыйла тажрыйбалуу жана билимдүү адамдар менен курчоого кеңеш берди.
