Токмоктогу жол кырсыктан каза болгон 8 адамдын бешөө бир үй бүлө мүчөсү болгон.
«Каза болгон айдоочу Баш-Кайыңды айылындагы мектепте дене тарбия сабагынан берген агай эле. Агай жубайы жана 3 жаштагы кызы менен каза болду. Унаанын ичинде анын бир тууган карындашы жана анын кызы болгон. Дагы 3 таанышы бар экен. Кыязы туугандары эле окшойт. Бүгүн жерге берилет», — деп маркумдардын айылдаштары каза болгондор тууралуу сереп медиа маалымат агенттигине билдирген.
Эскерте кетсек, 27-майда Токмокто жол кырсыгы катталып, 8 адам көз жумган.
