Бишкектик «Дордой» футболдук клубунун ганалык чабуулчусу Жоэль Кожо кыздуу болду. Бул тууралуу 7tv.kg сайтына клубдун басма сөз кызматкери Тенгелбес Мусаев билдирди.
» Жоэль Кожо менен келинчеги Айзада 15-январь күнү кыздуу болушту. Кызынын атын ангилис тилинде Принцесса ( Рrincess) деп аташкан. Бүгүн, 18-январь күнү эртең менен «Дордой» клубу Жоэль Кожону кыздуу болушу жана командага кошулушу менен жылуу куттуктады. Учурда команда жаңы сезонго даярданып, Кант шаарында машыгууларын улантып жатат», — деди ал.
Эске салсак, Жоэль Кожо 2019-жылы Айзада аттуу кыргыз кызына үйлөнгөн.
