Бишкекте «ФРИМА» кургак сүтүн мыйзамсыз жасап сатуу менен алектенген кылмыштуу топ аныкталды. Бул тууралуу Финансы полициясынын басма сөз кызматы билдирди.
Маалым болгондой, 25-январда жасалма кургак сүт өндүрүп жаткан жашыруун цех табылган.
«Борбордун базарларынын биринин аймагында, жогорудагы азык-түлүк продуктулары санитардык эреже сакталбаган шартта жасалган цех табылды. Учурда сотко чейинки өндүрүш иштери, ошондой эле республика боюнча ушул сыяктуу фактыларды аныктоо иш-чаралары жүрүп жатат», — деп айтылат маалыматта.
Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.
