Коңшу Тажикстанда коронавирус менен ооругандар калган жок. Бул тууралуу жергиликтүү басылмалар жазып чыгышты.
Аталган өлкөнүн президенти Эмомали Рахмон жергиликтүү басылмаларга берген маегинде төмөнкүлөргө токтолду:
«Январь айынын башынан бери өлкөдө коронавирус инфекциясынын жуккан учурлар катталбагандыгы бизди кубандырат. Башкача айтканда, Тажикстанда COVID-19 жок деп ишенимдүү түрдө айта алам», — деген Рахмон.
Буга карабастан Эмомали Рахмон карантиндик чараларды сактоону улантуу керектигин белгилеген.
Өткөн жылдын декабрь айында Тажикстанда күн сайын 30га жакын адамдан коронавирус аныкталып келген болсо, 1-январдан тарта алардын саны кескин түрдө азайган.
