Таласта мектептин от жагуучу бөлмөсүнөн өрт чыкты. Бул тууралуу ӨКМдин Басма сөз кызматы билдирди.
Маалыматка ылайык, бүгүн 28-январь күнү Талас облусунун Кара-Буура районундагы Ак-Жар айылынын Калыбаев орто мектептин от жагуучу бөлмөсүнөн өрт чыккандыгы тууралуу маалымат түшкөн.
«Өрттү өчүрүүгө саат 07:48де Кара-Буура райондук №91 өрт кутаруу бөлүгүнөн 1 бөлүм, саат 08:10до кошумча 1 бөлүм, жалпы 2 бөлүм тартылган. Өрт саат 09:22де чектөөгө алынган. Учурда өрттү толук өчүрүү иштери жүргүзүлүүдө», — деп берилет маалыматта.
