Кыргызстандагы абактарда абал тынч, эч кандай тополоң чыккан жок. Бул тууралуу 7-каналга Жазаларды аткаруу кызматынан билдиришти.
«Буга чейин соцтармактарга чыккан «Камчы Көлбаев кармоо учурунда өлтүрүлгөндөн кийин абактарда тополоң болду» деген маалымат чындыкка дал келбейт. 5-октябрга карата Жазаларды аткаруу кызматына караштуу Кыргызстандагы 26 абакта абал тынч, эч кандай тополоң жок»,- деп берилет маалыматта.
Эскерте кетсек, 4-октябрда УКМК кримтөбөл Камчы Көлбаевди кармоо жүргүзүп, операция учурунда Көлбаев жок кылынганы кабарланган. УКМКнын маалыматы боюнча, кармоо учурунда Көлбаев атайын багыттагы кызматкерлерге куралдуу каршылык көрсөтүп, ага жооптуу ок атылганда, кримтөбөл жараат алып, окуя жеринде көз жумган.
