Ош ШИИБи боюнча МККБнын кызматкери Аброр Хакимов «Кикбоксинг» боюнча эл аралык турнирде жеңишке жетти. Бул тууралуу ИИМдин Басма сөз кызматы билдирди.
Маалыматка ылайык, 2021-жылдын 15-июнунан 21-июнга чейин Өзбекстандын Ташкент шаарында Кикбоксинг боюнча профессионалдар арасында эл аралык турнир өтүп, ага Аброр Хакимов дагы катышты. 75 кг салмактагылар арасында Өзбекстандык атаандашын накаут менен жеңип, кыргыз мамлекетинин желегин эл аралык турнирде татыктуу көтөрүп чыкты. Бул эл аралык турнирге 12ге жакын өлкөнүн профессионал спортчулары катышкан.
Эскерте кетсек, Аброр Хакимов Ош-Азия профессионалдык спорт клубунун тарбиялануучусу, Кикбоксинг боюнча эл аралык класстагы спорттун чебери, Азиянын чемпиону, Дүйнө чемпиондугунун коло медалынын ээси.
