Кой кайтарып, көгөрүп кеткен нанды жеп жүрөт деген бала боюнча Талас милициясы маалымат берди.
Ага ылайык, кой кайтарып жүргөн бала 10 жашта. Арчагул айылындагы мектепте окуйт. Учурда айылдан болжол менен 20-25 чакырым алыстыктагы мал сарайда кой кайтарып, таэнеси менен кошо жашайт.
«Балага карата жасалган мамиле боюнча териштирүү иштери жүрүп жатат. Окуяга катыштыгы бар жарандар, анын ичинде видеого тарткан жаран дагы Айтматов РИИБине алынып келинди. Кошумча маалымат берилет», — дешти Талас ОИИБинен.
