Казакстанда адам органын сатуу менен алектенген кылмыштуу топ кармалды. Бул тууралуу Спутник Казакстан агенттиги жазып чыкты.
«Кармалган 22 адамдын арасында медиктер, нотариус, донор жана сатып алуучулар бар. Алар адам органдарын 21 миң долларга чейин баалашкан. Шектүүлөр Алматы шаарынан жана Алматы, Жамбыл, Түркстан облустарынан колго түшүрүлдү»,-деп берилет маалыматта.
Ошондой эле бул сыяктуу 8 факт аныкталганын ИИМден билдиришкен.
Эскерте кетсек, Казакстанда трансплантация үчүн органдарды сатып алууга жана сатууга тыюу салынган. Мыйзамды бузгандар 12 жылга чейин соттолот.
