Ишкер жана юрист Ахунбай Кошоев: Президент Садыр Жапаров менен УКМК төрагасы Камчыбек Ташиев бийликке алгач келгенде берген убадаларын акырындап аткара баштады, бул экономика тармагында өзгөчө көрүнүп турат. Муну бир айда же бир жылда ишке ашыруу өтө кыйын болчу, ошондуктан бийлик акырындап ага негиз түзүп, эми катуу тартип орнотууга киришти. 1990-жылдарда жолун таап элдик мүлктү өзүнө жаздырып алган олигархтар пайда болгон.
Эми ошондогу башаламандыктан пайдаланып, элдин эсебинен байып алгандардын байлыгы акырындап кайра мамлекетке өтө баштады. Мындай ишти жүзөгө өтө кылдат ашыруу керек, антпесе коомдо каршылык жаралышы мүмкүн, анткени мындай аракеттерге каршы болуп, элди ар башка акцияларга чыгууга тукурган күчтөр арбын. Бирок экономикалык өнүгүү, жалпысынан, туура багыт алды жана аны чет мамлекеттер дагы таанууга аргасыз…
