Муниципалитеттин жыйындар залында мэр Айбек Жунушалиев менен Чэнду шаарынын мэри Ван Фэнчао жетектеген делегациянын жолугушуусу болду.
Тараптар өлкөлөрдүн жетекчилиги, президент Садыр Жапаров менен КЭРдин төрагасы Си Цзиньпиндин ортосунда натыйжалуу кыргыз-кытай стратегиялык кызматташтыгы түзүлүп, шаарлар аралык байланыштар активдүү бекемделип жана кеңейтилип жатканына ишеним билдиришти.
Жунушалиев ошондой эле акыркы жылдарда кыргыз-кытай мамилелери бекемделип жатканын баса белгилеп, Чэнду шаары менен эки тараптуу кызматташууну тереңдетүү Бишкек үчүн маанилүү жана артыкчылыктуу экенин белгиледи. Ван Фэнчао соода-экономикалык кызматташтыкты жакшыртууну, ошондой эле инвестициялык демилгелерди жана соода-экономикалык байланыштарды мындан ары өнүктүрүү үчүн Бишкектин Чэнду шаарында өкүлчүлүгүн ачууну сунуштады.
«Бул менин Бишкек шаарына биринчи жолу келишим. Шаар жаш жана гүлдөп өнүккөн”, — деп белгиледи Ван Фэнчао. Айбек Жунушалиев келечектеги инвестициялык долбоорлор транспорт, маданият жана турак жай-коммуналдык чарба тармактарына байланыштуу болорун кошумчалады. Жолугушуунун соңунда тараптар мындан аркы өз ара пайдалуу кызматташууга ишенимин билдирди.
24-октябрда Кытай Эл Республикасынын Мамлекеттик кеңешинин төрагасы Ли Цяндын Кыргызстанга расмий сапарынын алкагында Бишкек шаары менен Чэнду шаары өз ара байланыш түзүлгөн.
