Кытай Эл Республикасына болгон иш сапарынын алкагында Бишкек шаарынын мэри Айбек Жунушалиев Чжучжоу шаарынын мэри Чэн Хуэйцин менен жолугушту. Бул тууралуу мэрия билдирет.
Маалым болгондой, жолугушууда Айбек Жунушалиев Бишкек Чжучжоу менен ар кандай багыттар боюнча, анын ичинде транспортту башкаруу, жеңил өнөр-жай жана башка тармактарда тажрыйба алмашуу боюнча кызматташууну өнүктүрүүгө кызыктар экенин баса белгиледи.
Мэр ошондой эле Бишкекте жагымдуу инвестициялык климатты түзүү жана жеке секторду колдоо артыкчылыктуу экенин баса белгиледи.
Өз кезегинде Чэн Хуэйцин Чжучжоунун Бишкек менен ар тараптуу байланыштарды андан ары чыңдоого болгон умтулуусун тастыктап, эки тараптуу соода-экономикалык кызматташтыкты кеңейтүүгө даяр экенин билдирди.
