Бүгүн Бишкек – Ош унаа жолунун Төө-Ашуу жана Суусамыр – Талас – Тараз унаа жолунун Өтмөк ашуусунда кар жаап жатат. Бул тууралуу «Кыргызавтожол» ишканасынан кабарлады.
Учурда атайын жол тазалоочу техникалар тартылып, жолдор кардан тазаланып, инерттик материалдар себилүүдө. Жол ачык, каттам туруктуу.
Ошондой эле Барскоон – Ак-Шыйрак унаа жолунун Сөөк ашуусунда жана Каракол – Эңилчек унаа жолунун ашуусунда да кар жаап, жолчулар тарабынан тазалоо иштери жүргүзүлдү.
Айдоочуларга дөңгөлөктөрүн алдын ала алмаштырып, коопсуздук үчүн чынжырды ала жүрүү сунушталат.
