Президент Садыр Жапаров студенттердин өлкө ичиндеги ар кайсы аймактарда окуусуна шарт түзгөн жарлыкка кол койду.
Ага ылайык, эми студент башка шаарга окууга барса, мамлекет аны колдоого аракет кылат.
Тагыраагы, атайын программа иштелип чыгып, студенттерге стипендия берүү, жол чыгымын жабуу жана жатаканалар менен камсыздоо каралат. Айрыкча ички аба каттамдары менен жүрүү маселеси да каралууда.
Мындан тышкары, өлкө боюнча кеминде 9000 студентке ылайыкталган жатаканаларды этап-этабы менен куруу пландалууда. Алар жашоого ыңгайлуу болуп, спорт аянтчалары, ашкана жана окуу борборлору менен жабдылат.
Бул демилге өлкө ичинде студенттердин эркин окуусуна шарт түзүп, региондор арасындагы билим берүү теңсиздигин азайтууга багытталган.
