Бүгүн Бишкек шаарында Борбор Азиядагы Ханнс Зайдель фондунун демилгеси менен аймактык башкаруудагы өзгөрүүлөргө арналган изилдөө долбоору тааныштырылды.
Ал эми изилдөө 2024-жылдын январынан 2025-жылдын июнуна чейинки мезгилди камтып, Аалы Карашев баштаган көз карандысыз эксперттер тобу тарабынан жүргүзүлгөн.
Долбоор жергиликтүү мамлекеттик башкаруу жана өз алдынча башкаруу системасындагы реформалардын жүрүшүн талдап, жетишкен ийгиликтерди жана чечүүнү талап кылган маселелерди көрсөтөт. Ошондой эле мамлекеттик органдар үчүн практикалык сунуштар берилген. Иш-чаранын катышуучулары мамлекеттик башкаруу реформасы үзгүлтүксүз процесс экенин белгилеп, жарандардын кызыкчылыгына багытталган натыйжалуу башкаруу үчүн диалогду күчөтүүнүн маанисин баса белгилешти.
