Кыргызстандын желегин эл аралык аренада бийлик желбиретип, улуттук сыймыгы аталган мекенчил чемпион кыз Айсулуу Тыныбекова мекендештерин бүгүнкү мамлекеттик тил күнү менен куттуктап, эне тилди өнүктүрүүгө чакырык таштап өттү.
«Баарыңыздарды бүгүнкү мамлекеттик тил күнү менен чын жүрөктөн куттуктайм! «Эне тили болбосо, аты аталбайт улуттун» дегендей, кыргыз тилинин тарыхы — бул биздин элибиздин тарыхы. Бүгүнкү күндө тил маселеси, мамлекетибиздин негизги багыттарынан болуп эсептелет! Андыктан келгиле достор кыргыз тилинде сүйлөшүп эне тилди өнүктүрөлү! Эне тилин билүү — улутуңа жана тегиңе болгон урмат-сыйдын белгиси«-дейт Тыныбекова.
Белгилей кетсек Тыныбекова мекенге, кыргыз тилине болгон сый урматын ар бир жеңиши менен далилдеп, мелдештен кийин кыргыз-тилинде элине ыраазычылык билдирүүнү адатка айланткан. Ошондой эле мезгил-мезгили менен улуттук көйнөктөр менен фотосессия кылып, күйөрмандары менен бөлүшүп турат.
