Бүгүн, 4-августта саат 15:10да Токио Олимпиадасынын катышуучусу Айсулуу Тыныбекова алтын үчүн япониялык Юкако Кавай менен финалда беттешет.
Ал буга чейинки атаандаштарына 1 дагы упай тарттырбай, таза жеңишти багындырды.
Ал эми финалдагы атаандашы Юкако Кавай 1997-жылы туулган, эркин күрөш стилинде кармашат, дүйнөлүк чемпионаттардын бир нече жолку жеңүүчүсү, 2020-жылы Азия чемпиону атыккан. 2014 -жылы кадеттер арасындагы дүйнө чемпионатында коло медалга ээ болгон. 2018 -жылы Дүйнө чемпионатында күмүш медалды багындырган.
Айсулуу Тыныбекова Юкако Кавай буга чейин үч жолу килем бетинде жолугушкан. Кавайды эки жолу жеңип, бир жолу жеңилип калган.
